السلام عليكم
...هدا موضوع حبيت نفتح من مدة
متعلق بالفقراء واللي ماعندهمش لكتاف... والاغنياء فالجزائر واصحاب السطلة
كي بقيت نشوف فالناس في بلادنا لقيت قدما كاين تواضع.. قدما كاين طبقية..
والطبقية دايرينها اصحاب السلطة
الناس اصحاب السلطة تلهف وتجري غير على جال دراهم باه يخبوا ويديروا الشكارة وجامي خموا في غيرهم الفقراء واللي محتاجين صدقة ولقمة عيش ماهو لا قيها ...قبل برك علاه مايسقسوش رواحهم وين بيها بهذا التفكير واللهاطة والطمع
ياك قع نعرفوا بللي القبر نروحوا له بخدمتنا
بما اني نتبع قناة الشروق بزاف واللي نعتبرها حقانية وتوريلنا فالواقع
شفت وحد نهار ناس ساكنين في سبطار قديم في احدى الولايات والشكاوي على حالهم داروا حالة ...وماخلاوهمش يدخلوا على الوالي
علاه يا الموظف ماتكتفيش بشهريتك وتصدق منها وتاكل بالحلال خيرما تجري مورا الحرام وتاكل الحرام وتوكل ف ولادك فالحرام
ماشي عيب عليك تاكل حق غيرك اللي ماهوش صايب وش يبلس يدفي روحوا في هاد البرد وقادر يموت ...وماهوش لاقي وش ياكل
حتى يروح يسرق ويدير عفايس مش ملاح
اليوم وانا فالمدينة شفت صورة كما هاذي
طفل عمره اقل من 13 سنة
وكل مرة نشوفكما هاك
مناظر كما هاذي تنطق الحجر
بصح قع كما هاك ونلقاوهم قانعين وصابرين وشادين في ربي
وكي يسقسوهم الناس وش يقولوا(ان الله مع الصابرين)
علاه السلطة والدراهم ينسوا الانسان في غيرهم مالفقراء
وينسوهم في ربي
عارفين بللي دراهم فانيين ومايبقى منهم والو
على الاقل اعطوهم حقهم
مانظنش حالهم يخليهم يطلبوا اكثر
باسكو قانعين بالقليل
ومتفكرين بللي هي دينا فانية مايبقا فيها والو
وربي يهدينا ويهدي ماخلق ويثبتنا على الحق
اللهم آمين
جنسّـيً ،، 
أميرتـيً المفضّلــہً 
